Pas reshjeve të rëna gjatë orëve të natës në Shkodër janë shfaqur probleme ditën e sotme rruga e Prekalit, e cila është bllokuar nga rrëshqitjet e dherave e gurëve.
Sipas njoftimit të bërë nga Bashkia e Shkodrës, niveli i lumenjve dhe liqeneve është në rritje.
“Niveli i lumit Drin (hidrometri ura e Bahçallekut) shënon kuotën 5.80 m me një rritje prej 10 cm me orën 15.00 ( kuota max 7.50 m )
Niveli i Liqenit ( hidrometri ura e Bunes) shënon 7.25 m me një rritje prej 5 cm me orën 15 ( kuota max 8.70 m ). Rruga Prekal – Mali Shoshit – Ndrejaj është e bllokuar nga rrëshqitjet e dherave e gurëve. Është bere hapja e rrugës Mes-Ura e Shtrenjte e cila ishte bllokuar nga rrëshqitja e një masivi dherash, natën e kaluar,”njofton Bashkia e Shkodrës.
