Një 37-vjeçar shqiptar është gjetur nga policia britanike i fshehur në një ndërtesë në Workington pasi ai zotëronte një fermë kanabisi.
Ai e ka pranuar se ai kishte në pronësi fermën e kanabisit dhe ka kërkuar falje.
Sipas mediave të huaja, policia gjeti Edwart Rrapushajn në papafingo të pronës në Market Place në Workington në fillim të kësaj jave. Ai pranoi se prodhonte drogën e klasit B.
Policia që bastisi pronën të hënën zbuloi një kulture prej 246 bimësh kanabisi të vlerësuar se vlerën në treg do e kishte 388,000 £.
Pasi e pranoi fajësinë, Rrapushaj tha: Më vjen shumë keq. Kërkoj falje. Dhe unë marr përgjegjësi.
Tre të arrestuarit e tjerë janë: 23-vjeçari Eneo Kamberi nga Nesfield Street, Bradford; 25-vjeçari Esat Qama pa adresë fikse dhe 28-vjeçari Eriton Qato nga Nesfield Street Bradford.
