Një ngjarje e pazakontë. Shefi i njësisë operacionale në policinë e shtetit Vladimir Laska u përfshi në një konflikt fizik më punonjësin e policisë Rigels Iljazi si dhe me një tjetër person. Ngjarja ka ndodhur të shtunën e kaluar në Bllok.
Agjencia e Mbikqyrjes policore theksoi se 44-vjeçari Laska ka qenë jashtë shërbimit të detyrës si punonjës i operacionales ku fillimisht është përplasur më Marjus Iljazin i cili rezulton të jetë vëllai i punonjësit të FNSH, Rigels Iljazi.
Sherri ka ndodhur në një ambient dyqani dhe dy punonjësit kanë tentuar të nxjerrin armët ndaj njeri-tjetrit por nuk kanë qëlluar.
Policët sherr dhe grushte me shefin në Bllok! Nxirren pistoletat
Me marrjen e njoftimit në vendngjarje kanë mbërritur shërbimet e Policisë së Komisariatit Nr. 2 Tiranë dhe forcat “Shqiponja”, të cilat kanë shoqëruar palët në drejtorinë e Policisë dhe më pas është vendosur të ndiqen në gjendje të lirë.
Drejtoria e Standardeve Profesionale në Policinë e Shtetit ka nisur hetimin disiplinor ndaj dy efektivëve të Policisë të përfshirë në ngjarje.
Pas kryerjes së veprimeve hetimore, ndaj shefit të operacionales është ngritur akuza e kanosjes dhe dëmtimebe me dashjë, punonjsi tjetër i policisë do të hëtohet vetëm për kanosje, ndërsa vëllai i tij për akuzën e demtimeve të tjera me dashje.
