Mbrëmë është mbyllur merkatoja e janarit dhe në klubet e Kategorisë Superiore ka pasur të papritura, ashtu si me afrimet apo edhe largimet. Shumë futbollistë që kanë spikatur këtu kanë dalë jashtë kufijve të Shqipërisë, duke u transferuar në klubet në Turqi, Bosnjë, Francë, Azerbajxhan.
Por gjithashtu edhe disa emra “big” janë rikthyer në elitën e futbollit shqiptar, pas aventurave Europiane. Disa prej tyre janë Bekim Balaj tek Vllaznia, apo Kristal Abazaj tek Tirana i cili mbrëmë është dëmtuar dhe do të jetë jashtë fushave për rreth një muaj. Gjithashtu edhe rikthimi i Redi Lushkjas tek Tirana bëri bujë të madhe pasi u largua nga ekipi moldav Sherif Tiraspol.
Ndërsa largimet më me peshë ishin ato të Xhuliano Skukës nga Partizani drejt Metz, Redon Xhixha nga Tirana tek Karabak, Eneo Bitri në Çeki tek Banik Ostrava, dhe së fundmi Marsel Ismajlgeci tek klubi boshnjak, Zrinjski Mostar.
