“Ka një vendosje të furgonëve të policisë. Në frikën e fshehur Rama kërkon edhe mbrojtjen policore”. Kështu deklaroi deputeti i PD-së, Luçiano Boçi pas daljes nga parlamenti.
I pyetur për foton e Enri Cenos, sekretari Ndërkombëtar për Marrëdhëniet me Jashtë në Partinë Demokratike me McGonigal, Boçi tha se “zoti Ceno ka funksionin e tij simbolik si sekretar.
Takimi sporadik i një të riu me përfaqësues të lartë të një shteti kur marrëdhëniet kanë qenë zyrtare. Kjo nuk e sfumon skandalin. Ai duhet të ishte i pandehur. 14 herë nuk është përmendur zoti Ceno, por Rama”.
Më tej, deputeti demokrat tregoi strategjinë e opozitës për këtë dosje. “Ne kemi kërkuar ngritjen e komisionit hetimor. Kemi mbledhur 43 firma. Do të vazhdojmë. Do ta nxjerrim nga vrima ku është futur” tha Boçi.
