Kryeministri i Kosovës, Albin Kurti ka deklaruar se Kosova e pranon propozimin e BE-së për normalizimin e marrëdhënieve mes Kosovës dhe Serbisë.
Në një postim në Twitter pas takimit me të dërguarin e posaçëm të BE, Miroslav Lajçak në lidhje me dialogun Prishtinë- Beograd, tha se propozimi konsiderohet si një bazë të mirë për diskutime të mëtejshme dhe një platformë solide për të ecur përpara.
“Shkëmbim i mirë me të dërguarin special të BE-së Miroslav Lajçak gjatë një drekë pune në Prishtinë. Ne e pranojmë propozimin e BE-së për normalizimin e marrëdhënieve ndërmjet Kosovës dhe Serbisë dhe e konsiderojmë atë një bazë të mirë për diskutime të mëtejshme dhe një platformë solide për të ecur përpara”, ka shkruar Kurti.
