Këngëtari i njohur nga Shkodra Luiz Ejlli, fitues i edicionit të parë të spektaklit të “Ethet e së premtes mbrëma” është bërë pjesë e “Big Brother Vip Albania”, duke u shndërruar kësisoj në sensacionin e vërtetë të këtij reality show.
Për të kanë folur miqtë, kolegët, por sot ishte radha e nënës së tij që të tregonte si po e përjeton aventurën e re të të birit.
Ajo ka folur live në telefon me moderatoren Fjodora Fjora, ndërkohë që kjo e fundit po prezantonte ” Ditë pas dite”.
Kjo është hera e parë që nëna e Luizit reagon për djalin e saj duke hedhur poshtë edhe thashethemet se nuk flet me të.
Sipas moderatores Fjodora Fjora nëna e Luizit ka thënë që është shumë e lumtur për të, që “Big Brother” është një luftë nervash dhe të gjithë duan të fitojnë, por që ajo ia uronte me zemër djalit të saj.
