Dy ditë na ndajnë nga protesta e opozitës. Ish-kryeministri Sali Berisha ka ftuar qytetarët që të bashkohen me marshimin e së shtunës në Tiranë.
“Me 11 shkurt në ora 12:00 Shqipëria marshon drejt Tiranës! Tirana derdhet në rrugët dhe sheshet e saj” shkruan ai në një postim në Facebook.
Kauza e protestës është dosja “McGonigal”. Opozita kërkon largimin e kryeministrit Edi Rama duke e akuzuar për lidhje me aferën e ish-zyrtarit të lartë të FBI-së që po hetohet në SHBA.
