Policia kolumbiane ka arrestuar Wilder Emilio Sánchez Farfán, alias El Gato (Maçoku), një trafikant droge ekuadorian i konsideruar si një nga më të fuqishmit në Amerikën e Jugut dhe që mbante lidhje të forta me Kartelin Jalisco Nueva Generación (CJNG) dhe kartelin Sinaloa të Meksikës.
Arrestimi i tij, sipas Policisë së Ekuadorit, ndodhi pas 18 muajsh punë nga autoritetet lokale dhe në bashkëpunim me agjentët e Administratës së Shteteve të Bashkuara për Drogën (DEA).
Së bashku me arrestimin e tij, autoritetet bastisën “Fortesën” e tij ku zbuluan se prona kishte dyer të blinduara, kasaforta, një pishinë, imazhe të tigrave të bardhë dhe të gjitha komoditetet e një shtëpie të pajisur mirë dhe në kushte luksoze.
Në njërën prej vilave të tij vilat e tij policia ka gjetur gjetur e arrestuar një të ri nga Fieri, Artur Rrapaj 37 vjeç. Rrapaj është arrestuar gjatë bastisjes së tre banesave në provincën bregdetare të Guayas dhe një në provincën veriore të Andeve të Imbabura. Shqiptari dyshohet se është pjesë e kartelit ‘Nueva Generacion Ekuador’ që drejtohej nga Farfan.
Në banesën ku është kapur 37- vjeçari janë sekuestruar 319 mijë dollarë, telefona satelitorë dhe pajisje GPS, ndërsa në Imbabura është bastisur një kala me dyer të blinduara ku u gjetën katër kasaforta me 90 mijë dollarë. 37-vjeçari nga Fieri ka precedentë penale edhe në Shqipëri.
