Nesër opozita do të zhvillojë protestën në sheshin përballë Kryeministrisë. Kur na ndajnë më pas se 24 orë nga nisja e protestës policia ka marrë masa për mbrojtjen e godinës së kryeministrisë. Jashtë godinës së qeverisë po merren masa për sigurinë e saj duke e blinduar. Këto masa merren sa herë zhvillohen protesta nga opozita.
Plani zyrtar për protestën! Rrugët që do të bllokohen nesër në Tiranë
MASAT
Nesër duke filluar nga ora 06:00 nuk do të lejohet parkimi i automjeteve, në rrugët e poshtëshënuara: Bulevardi “Dëshmorët e Kombit”, sheshi “Nënë Tereza”, rruga “Ismail Qemali”, nga kryqëzimi i rrugës së Elbasanit me rrugën “Ibrahim Rugova”, rruga “Papa Gjon Pali II”, bulevardi “Zhan D’Ark” dhe bulevardi “Bajram Curri”, nga kryqëzimi i rrugës së Elbasanit me rrugën “Ibrahim Rugova”.
Gjithashtu, në këto rrugë, do të bllokohet qarkullimi i automjeteve, nga ora 10:00 e datës 11.02.2023 deri në përfundim të tubimit. Policia kërkon mirëkuptimin e qytetarëve që të shmangin lëvizjen me automjete, në këto akse rrugore dhe të përdorin rrugë alternative, për të mos penguar lëvizjen e lirë të pjesëmarrësve në tubim.
Policia thekson se garanton qytetarët se ka marrë të gjitha masat në përmbushje të përgjegjësive institucionale, për garantimin e rendit dhe të sigurisë, para, gjatë dhe pas përfundimit të tubimit, si dhe për garantimin e sigurisë rrugore, në të gjithë territorin e vendit, veçanërisht në sheshet dhe në segmentet rrugore, në të cilat do të zhvillohet tubimi.
