Policia në kuadër të masave të ndërmarra për garantimin e rendit dhe sigurisë publike gjatë protestës së ditës së sotme kanë shoqëruar në komisariat një 21-vjeçar me inicialet G. H pasi mbante të veshur një uniformë policie me logo e stema të vjetra.
Veshja tashmë nuk përdoret nga shërbimet e Policisë.
Në momentin e ndalimit për verifikim nga shërbimet e Policisë, ky shtetas ka paraqitur një dokument të vjetër Policie, të dyshuar të falsifikuar.
21-vjeçari u procedua penalisht në gjendje të lirë për veprat penale “Mbajtja pa të drejtë e uniformës” dhe “Falsifikimi i dokumenteve”.
Gjithashtu janë shoqëruar dhe proceduar penalisht në gjendje të lirë shtetasit 30-vjeçari me inicialet G. A. dhe 45-vjeçari me inicialet E. Gj. për veprat penale “Shkelja e rregullave mbi lëndët plasëse, djegëse dhe radioaktive” dhe “Prishja e qetësisë publike”.
