Opozita protestoi sot në Tiranë me kauzën e dosjes “McGonigal”. Sali Berisha poshtë zyrës së Kryeministrisë i kërkoi Edi Ramës që të japë dorëheqjen dhe të largohet pas skandalit.
“Të gjithë e mbani mend atentatin që organizoi me një mjeran që zëri ynë të heshte, por zëri ynë ushtoi në të gjithë botën. E vërteta kurrë nuk mbulohet dot. Sot e gjithë bota po flasin të vërtetën që shprehu opozita, skandalin më të madh botëror.
Edi Rama është i vetmi kryeministër që përmendet 14 herë në akt padinë e dosjes që ai korruptoi dhe përdori si vrasës me pagesë kundër opozitës perëndimore të Shqipërisë njërin nga zbuluesit më të fuqishëm të planetit. A ka krim më të shëmtuar se ky” tha ai.
