Një kufomë u gjet sot në mëngjes në afërsi të përroit të Limuthit në Bërxullë, Tiranë. Sipas policisë bëhet fjalë për një person të seksit mashkull.
Nga veprimet e para hetimore të kryera, në xhepin e rrobave të viktimës, është gjetur një dokument identifikimi me gjeneralitetet Elton Tahiri 48 vjeç.
Nuk dihen rrethanat në të cilat e ka humbur jetën 48-vjeçari dhe prej sa kohësh ka ndodhur ngjarja.
Policia ka nisur hetimet për të zbuluar nëse kemi të bëjmë me një rast kriminal dhe 48-vjeçarin e kanë hedhur në përrua apo ngjarje aksidentale. Hetimet vazhdojnë.
