Gjashtë balona ruse u vunë re mbi Kiev dhe shumica u rrëzuan nga mbrojtja ajrore e Ukrainës, tha të mërkurën administrata ushtarake e kryeqytetit ukrainas.
Sipas të njëjtit përditësim, balonat mund të kenë pasur pajisje zbulimi.
“Bazuar në të dhënat paraprake, rreth 6 objektiva ajror armik u zbuluan në hapësirën ajrore të Kievit. Sipas informacioneve bëhet fjalë për balona që lëvizin nën ndikimin e erës. Këto objekte mund të mbanin reflektorë qoshe dhe disa pajisje zbulimi , “tha komanda ushtarake e Kievit.
Qëllimi i lëshimit të këtyre balonave nga Moska, siç theksohet nga komanda ushtarake, ishte ndoshta identifikimi dhe shterimi i sistemit të mbrojtjes ajrore.
