Kryetari i grupit të PS-së, Taulant Balla u shpreh sot se shkak i bllokimit të parlamentit është fakti që jo vetëm Gërdeci, por sot në SPAK është dorëzuar një padi e re për 21 Janarin nga familjet e viktimave për Sali Berishën.
“Ndërkohë që sot familjarët e dëshmorëve të 21 Janarit janë në SPAK për një kallëzim ndaj Sali Berishës dhe të tjerëve të përfshirë në vrasjen e 21 Janarit ne në këtë situatë do të jemi në kuvend. Familjarët akuzojnë Sali Berishën për vrasje në bashkëpunim. Në SPAK është ngritur akuzë për vrasjet në Gërdec prandaj ndodh kjo situatë në Kuvend. Ju kë mbroni tani? Një deputet që vinte në seancë i pijshëm me bilbil në gojë” tha ai.
