Shoqëria Civile paralajmëroi sot se do të zhvillonte një protestë në lidhje me vdekjen e 22-vjeçares keniane, Joy Aoko e cila u dhunua barbarisht në shtëpinë e saj në Tiranë.
Ata janë mbledhur para Prokurorisë së Tiranës dhe po bëjnë thirrje për drejtësi për vdekjen e 22-vjeçares.
Protesta nisi në orën 17:00. Në shenjë proteste qytetarët kanë hedhur bojë të kuqe në drejtim të godinës së Prokurorisë.
Aoko pasi u dhunua pak muaj më parë në Tiranë qëndroi disa kohë në koma. Ajo më pas u transferua drejt vendlindjes së saj, Kenia për të marrë mjekim më të specializuar dhe ku ndërroi jetë.
