Mbrëmjen e djeshme Greqia është tronditur nga një sherr me armë mes një grupi me 7 shqiptarë ku mbeti i vrarë një bashkatdhetarë i tyre që kishte shkuar në kafene për të parë një ndeshje.
Sipas mediave greke autorët e krimit janë me origjinë nga jugu i Shqipërisë dhe janë pjesë e grupeve kriminale.
Gjithashtu dyshohet se janë të përfshirë në ngjarje të rënda kriminale të ndodhura në Greqi.
Policia është vënë në kërkim të autorëve, ndërsa ka gjetur një mjet tip xhip që dyshohet se i përket njërit prej anëtarëve të grupit, po ashtu në vendin e ngjarjes janë gjetur dhe sekuestruar gëzhojë dhe një plumb pistolete.
Kishte shkuar për të parë një ndeshje futbolli, si e kapi plumbi shqiptarin në Greqi?
