Në datë 2 mars është vendosur dita e mocionit me debat që opozita do të zhvillojë me kryeministrin Edi Rama për dosjen “McGonigal”. Deputetja Monika Kryemadhi ngriti dyshime se kreu i qeverisë nga frika mund ta anulojë.
“Arroganca e tij ka kaluar cdo lloj kufiri kjo vjen edhe si pasojë e mendimeve të tij skizofrenike, por edhe kapjes së shumicës. Edhe vetë socialistët ndihen të përdorur, pasi respekti ndaj tyre është inekzistent.
E kuptoj frikën dhe panikun që ka kapur Ramën për çështjen McGonigal. 2 marsi po vjen java tjetër, uroj që të mos na sëmuret kryeministri me një grip flamë.
Nuk ka ndonjë qamet, se do u përgjigjet deputetëve. Refuzimi për të ngritur komisionin hetimor tregon frikë, panik dhe mungesën e vizionit për të drejtuar këtë parlament” tha Kryemadhi.
