Aleatët kanë braktisur Sali Berishën për zgjedhjet lokale. I pyetur sot nga gazetarët, kryetari i PD-së shprehu mirëkuptim për disa prej partive të vogla që kanë vendosur të dalin vetëm për të provuar forcën. I pyetur për PDIU-në, ish-kryeministri kishte një paralajmërim për çamët.
“LZHK dhe Bindja? Nuk besoj se kanë nxjerrë një kandidat për Tiranën. Çdo forcë politike, pothuajse përpiqet të provojë veten me këshilltarë, pasi do që të dijë cilat janë kuotat elektorale të tijat. Ata i dinë, sepse kanë garuar por tani së bashku mendojnë se mund t’u rriten.
PDIU, akoma është në zonën gri, po shoh nga po shkojnë. Nuk mund të them se do të vijnë nga PD apo do të shkojnë nga PS.
Por një gjë u them, nëse ka pasur armiq më të egër pas Zervasit, popullata çame, ka pasur Enver Hoxhën, i cili për 45 vite, ata, shkodranët, dhe minoritarët grekë i kishte në epiqendër të të gjithë kasaphanës së luftës së klasave.
Edhe mirditorët. Kështu që është… çdo çam duhet të mendojë kur afrohet me nipin e Spiro Kolekës dhe të birin e Kristaq Ramës” tha ai.
