E enjtja do të jetë një seancë maratonë që do të zgjasë deri të premten. Kryetari i grupit të PS-së Taulant Balla u shpreh se socialistët janë bërë gati për mocionin me debat për dosjen “McGonigal”, që opozita e ka kthyer në kauzë duke kërkuar largimin e tij, pasi e akuzojnë për përfshirje dhe korruptimin e ish-zyrtarit të lartë të SHBA-së.
“Ditën e enjte në datë 2 mars kemi përcaktuar mbajtjen e një mocioni me debat. Të gjitha grupet parlamentare duhet të përgatiten më së miri për këtë debat për ta shfrytëzuar këtë moment për një komunikim me qytetarët për të ndarë me opinionin çështje që kanë rëndësi.
Të mos gjendemi. Të mos gjendemi me kërkesa të tjera procedurale për të penguar këtë mocion. Cdo deputet do të ketë 10 minuta në dispozicion. Këtu kemi të bëjmë me një bashkim të të gjitha kërkesave, mocion, interpelancë dhe kërkesë pyetesh. 24 orë besoj që janë mjaftueshëm. Grupi i PS mezi po e pret zhvillimin e këtij mocioni me debat” tha ai.
