Shefi i politikës së jashtme të Bashkimit Evropian, Josep Borrell ka reaguar pas nisjes së takimit me kryeministrin e Kosovës, Albin Kurti dhe presidentin serb, Aleksandar Vuçiç në Bruksel.
Në një shkrim në Twitter, Borrell ka thënë se në takimin e nivelit të lartë, në rend dite për diskutim është propozimi i BE-së për normalizimin e marrëdhënieve.
Ai tha se shpreson në qasje konstruktive mes dyja palëve.
“Kam mirëpritur në Bruksel kryeministrin Albin Kurti, dhe presidentin Aleksandar Vuçiç, në takimin e nivelit të lartë të dialogut Prishtinë-Beograd. Në agjendë: propozimi i BE-së për normalizimin e marrëdhënieve. Shpresoj që të dyja palët të kenë një qasje konstruktive”, shkroi Borrell.
Paraprakisht, më herët dy udhëheqësit u takuan veç e veç me zyrtarët evropianë.
Ata, po ashtu patën takim edhe me të dërguarin e SHBA-së për Ballkanin Perëndimor, Gabriel Escobar.
I welcomed President @predsednikrs and Prime Minister @albinkurti in Brussels for a high level meeting of the Belgrade – Pristina Dialogue.
On the agenda: the EU proposal on normalisation of relations. I hope for a constructive approach by the two parties. pic.twitter.com/yFKMvjgbVZ
— Josep Borrell Fontelles (@JosepBorrellF) February 27, 2023
