Tre gra janë vrarë sot në Tiranë dhe dy të tjera janë plagosur në dy ngjarje që janë shënuar në Tiranë. Ngjarja e parë ndodhi në Paskuqan, ku ish-dhëndri Dan Hutra pas konfliktit qëlloi me armë zjarri kallash në shtëpinë e vjehrrit duke lënë dy gra të vdekura dhe dy të plagosura.
Viktimat në rrugën “Rustem Haklaj” në Kodër-Kamzë nga plumbat e Dan Hutës janë Mevlute Hysa 30 vjeçe, motra e ish-bashkëjetueses së autorit dhe Hasime Dafku 30 vjeçe, e fejuara e vëllait. Të plagosura mbetën ish-bashkëjetuesja e 40-vjeçarit, Elena Hysa 35 vjeçe dhe Kujtime Hysa 60 vjeçe që është nëna e saj.
Autori i dyshuar Dan Huta është arrestuar për dhunë në familje në datën 16.06.2022, dhe është liruar me datë 16.02.2023. Më parë, ai ka qenë i dënuar për vrasjen e bashkëshortes së tij, ngjarje e ndodhur në vitin 2007, në Kukës.
Ndërkohë që zëdhënësi i Policisë së Shtetit, Genti Mullai deklaroi se thuajse në të njëjtën kohë që ndodhi krimi në familje në Paskuqan, një tjetër është regjistruar në Kamëz ku është vrarë një 31-vjeçare në oborrin e shtëpi. Mullai tha se dy ngjarjet nuk kanë lidhje me njëra tjetrën.
