Dan Hutra 40-vjeç nga Kukësi është njeriu më i kërkuar sot në Shqipëri. Ai është autor i dy vrasjeve në Kodër Kamëz dhe dyshohet i së tretë sërish në këtë zonë. Tre gra të vdekura. Tre të tjera janë të plagosur. Sërish nga e njëjta dorë. Dan Hutra.
Por çfarë ka ndodhur hap pas hapi?
Paraditen e sotme Dan Hutra ka shkuar në shtëpinë e të dashurës Marjana Gurakuqi. 40-vjeçaren e ka qëlluar me thikë në krah duke e plagosur, e cila tashmë ndodhet në spitalin e Traumës. Më pas Hutra u nis për te shtëpia e ish-vjehrrit. Në banesë ishin gjashtë gra. Hapi zjarr me kallash.
U plagos me thikë! Flet e dashura biznesmene e Dan Hutrës: Më kërkoi lekë
Mevlute Hysa 30 vjeçe, që është motra e ish-bashkëjetueses së tij dhe Hasime Dafku 30 vjeçe, e fejuara e vëllait të ish-bashkëjetueses mbetën të vdekura në vend. Ish-partnerja e tij Elena Hysa 35 vjeçe dhe nëna e saj Kujtime Hysa 60 vjeçe janë të plagosura në spitalin e Traumës.
Më pas në të njëjtën zonë u njoftua se kishte edhe një vajzë tjetër që kishte vdekur në oborr, Etleva Kurti 31-vjeçe. Policia paraprakisht tha se dy ngjarjet nuk kanë lidhje me njëra tjetrën.
Por Vladimir Kurti, vëllai i vajzës nga burgu deklaroi se autori i vrasjes së motrës së tij është Dan Hutra për shkak të përplasjeve që kishin pasur në burgun e Drenovës.
Megjithatë policia ende nuk ka asnjë njoftim zyrtar që t’i lidhë dy ngjarjet, pasi Kurti që ndodhet në burg ka edhe një konflikt të hapur për vrasjen e shitësi në Kamëz për të cilën është dënuar me burg përjetë.
Skandali i drejtësisë
Por përpos vrasjeve që kreu sot, Dan Hutra rrugën e problemeve me drejtësinë e kishte nisur që në 2003-shin. Në vitin 2003 ai kishte marrë peng kunatën dhe përdhunoi tjetrën.
Katër vite më pas në 2007 Dan Hutra është dënuar 16 vite burg pasi ka vrarë me armë zjarri ish-gruan Dafina Havalja, të cilën e kishte qëlluar me dy goditje thike në zemër dhe mëlçi.
Pasi ka kryer krimin i Hutra është larguar qetësisht nga banesa, duke mbyllur derën dhe ka marre në telefon nenën e viktimës, të cilës i ka thënë “Rrofsh vetë”.
Vendimi është marrë më 20 janar 2010 dhe Apeli la në fuqi vendimin e një viti më parë të shkallës së për dënimin me 24 vite burg për Dan Riza Hutrën për veprën penale të “Vrasje me paramendim”.
Hap pas hapi! Si i vrau tre gra dhe plagosi tre të tjera krimineli i tmerrshëm në Tiranë?
Për shkak të gjykimit të shkurtuar Hutra u dënua përfundimisht 16 vjet burgim. Duke pasur parasysh edhe paraburgimin, pasi ai është arrestuar që në dhjetor 2007, ai ka vuajtur dënimin dhe ka dalë në fillim të viti 2022.
Arrestimi dhe lirimi 14 ditë më parë
Por problemet vazhduan edhe pasi doli nga burgu. Pasi nisi bashkëjetesën me partneren e dytë, Elena Hysa, Dan Hutra, autor i masakrës, ishte arrestuar në qershor të vitit 2022 për dhunë në familje, por ishte lënë i lirë më 16 shkurt 2023 me vendim të gjyqtarit të Gjykatës së Tiranës, Gerd Hoxha.
Në vendim thuhet se shuarja e masës së sigurimit personal “arrest në burg” është bërë për shkak se koha e vuajtur në paraburgim është më e madhe se dënimi i dhënë me vendimin nr.385, dt.08.02.2023. Tashmë pak ditë pasi doli nga qelia bëri kasaphanën e dytë. Problemi tjetër i madh është që ky njeri është akoma i lirë dhe i armatosur.
