Pas tragjedisë në Greqi me 36 viktima u arrestua kreu i stacionit me përgjegjësitë kryesore për aksidentin tragjik me përplasjen e dy trenave në Larisa.
Deklaratat e të mbijetuarve dhe dëshmitë e ekspertëve do të hedhin më shumë dritë mbi shkaqet e sakta të rrëzimit.
Ajo që po hetohet kryesisht është nëse bëhet fjalë për gabim njerëzor apo për një sërë lëshimesh e gabimesh teknike që kanë çuar në aksidentin fatal, si dhe përse komandanti i stacionit i ka dhënë linjën e caktuar trenit të pasagjerëve.
Kryeministri Mitsotakis nga Larisa, vendi i tragjedisë deklaroi se një gjë mund ta garantoj, “do t’i zbulojmë shkaqet e tragjedisë”.
“Ajo që po përjetojmë sot si vend është shumë e vështirë. Po flasim për një tragjedi të patregueshme”, tha kryeministri Kyriakos Mitsotakis.
“Prej këtu, një gjë mund të garantoj: do të zbulojmë shkaqet e kësaj tragjedie dhe do të bëjmë gjithçka që kemi në dorë për të parandaluar që diçka e tillë të mos përsëritet më” tha ai.
Kjo është vajza shqiptare që shpëtoi mrekullisht nga tragjedia në Greqi
