Ish-kryeministri Sali Berisha dy ditë pasi i hoqën vulën e PD-së me vendim të Apelit mblodhi kandidatët për bashkitë për zgjedhjet e 14 Majit për të vendosur për strategjinë e daljes në zgjedhje.
“Në vendimet që do të marrim ju keni zërin tuaj dhe partia nuk merr asnjë vendim pa ju, që jeni kandidatët e lirisë. E parë në historinë e këtij vendi që zgjidhi me votën e lirë të anëtarësisë. Ky vendim ka tmerruar shtetin.
Duke menduar se do të na pengojë të marrim pjesë dhe fitojmë zgjedhjet në 14 Maj, si burracak, ai shtyu deri 3 ditë para skadimit të afatit vendimin e parafabrikuar, të gjykatës së kontrolluar prej tij dhe konfiskoi vulën e partisë. Mendoni se me këtë akt na dha një goditje dhe shpëtoi nga opozita e vërtetë. Por e vërteta është e kundërta” tha Berisha.
