Sulmuesi i Paris Saint Germain, Neymar do mungojë për pjesën tjetër të sezonit me brazilianin që do t’i nënshtrohet një operacioni për të riparuar ligamentet e kyçit të këmbës dhe do të mbetet jashtë për të paktën tre muaj.
Neymar, i cili ka 13 gola dhe 11 asistime në Ligue 1 këtë sezon, nuk ka luajtur që kur u dëmtua gjatë fitores 4-3 të ekipit të tij ndaj Lille muajin e kaluar, duke munguar në dy ndeshjet e fundit të PSG-së.
“Neymar Jr ka pasur disa episode dëmtimesh në kyçin e këmbës së djathtë në vitet e fundit”, tha PSG në një deklaratë . “Pas ndrydhjes së tij të fundit të kontraktuar më 20 shkurt, stafi mjekësor rekomandoi një operacion riparimi të ligamenteve për të shmangur një rrezik të madh të përsëritjes. Të gjithë ekspertët e konsultuar e kanë konfirmuar këtë domosdoshmëri. Pritet një mungesë prej tre deri në katër muaj përpara kthimit të tij në stërvitje”, njofton PSG-ja.
Trajneri i PSG-së, Christophe Galtier tha se mungesa e Neymar është një humbje e madhe.
“Ai është një nga golashënuesit më të mirë dhe ofruesit e asistimeve në Ligue 1, kështu që ai është një humbje e madhe. Pa Neymar, ne mund të kemi dy mesfushorë dhe tre sulmues ose tre mesfushorë dhe dy sulmues”, u tha Galtier gazetarëve.
