Në Shqipëri vijojnë që të regjistrohen lëkundje sizmike, por për fat të mirë, jo me magnitudë të madhe, pa shkaktuar dëme, përpos panikut dhe frikës momentale nga dridhjet e tokës.
Instituti i Gjeoshkencave njofton se pak pasi kishte kaluar mesnata në Konispol janë regjistruar lëkundje sizmike.
Tërmeti sipas hartës ka qenë me epiqendër në Egje, por lëkundjet janë ndjerë deri në jug të Shqipërisë.
4.4 dhe 2.4 ballë janë lëkundjet që janë ndjerë në Konispol. Edhe dje kishte disa goditje që janë ndjerë gjatë ditës.
Ndërkohë që në mëngjes ka pasur lëkundje edhe në Klos, Dibër ku duket se është riaktivizuar vatra që disa javë më parë shkaktoi disa lëkundje të herëpashershme.
