Ministri i drejtësisë në Poloni, Zbigniew Ziobro është fotografuar duke lëvizur me një armë në brez dhe kjo ka shkaktuar shumë zemërim në rrjetet sociale.
Ziobro tha në një konferencë shtypi të martën se ai mori lejen për të pasur një armë pasi disa vite më parë një bos i krimit të organizuar kishte bërë thirrje për vrasjen e tij.
Burri, i identifikuar vetëm si Jan S., ndodhet prej disa vitesh në paraburgim dhe gjykimi ndaj tij është duke u zhvilluar. Ai tha se nuk e mban armën gjatë gjithë kohës.
Nga kjo gjë, kritikët kanë ngritur pikëpyetje se përse duhet që një ministër të vetëmbrohet kur mund të ketë një staf që mund ta bëjë këtë.
Polonia, si shumica e vendeve të Bashkimit Evropian, ka rregulla strikte për blerjen e armëve dhe shumë pak njerëz lejohen t’i zotërojnë ato ose t’i mbajnë ato në publik.
