Një 49-vjeçar shqiptar ka humbur jetën në Greqi pasi ka rënë nga lartësia duke punuar për lyerjen e një pallati.
Mediat greke raportojnë se ngjarja ka ndodhur mesditën e së mërkurës, teksa i ndjeri punonte në një nga kantieret në zonën Argyrain të Mykonos.
Shqiptari ishte përgjegjës për lyerjen në murin e jashtëm të pallatit dhe për arsye të papërcaktuara u shemb mbi materiale ndërtimi duke sjellë vdekjen e menjëhershme.
Trupi i tij i pajetë u gjet pak më vonë nga djali i tij, i cili po punonte me të dhe ishte larguar nga vendi i ngjarjes pak minuta para ngjarjes për të çuar disa mjete në makinë.
