Autoritetet italiane kanë arrestuar një 35-vjeçar shqiptar në Moncalieri, i cili ishte në kërkim ndërkombëtar nga Shqipëria për tre vite.
Shqiptari akuzohet për përfshirje në grup kriminal, vrasje, posedim të paligjshëm të armëve dhe furnizim me mjete për aktivitete kriminale.
Sipas mediave italiane, gjatë ndalimit nga policia shqiptari paraqiti një kartë identiteti dhe një patentë shoferi spanjolle, të cilat më pas u zbuluan të falsifikuara.
Arrestimi i tij tregon bashkëpunimin e autoriteteve ndërkombëtare në luftën kundër krimit të organizuar dhe për sigurimin e drejtësisë për veprimet e kryera jashtë vendit.
