Drejtori i Përgjithshëm i Burgjeve Admir Abrija ka firmosur një tender mbi 200 mijë Euro për fruta perime, reçel dhe erëza për të dënuarit.
Objekti i tenderit cilësohet për nevoja emergjente dhe është bërë me negocim pa shpallje të njoftimit të kontratës i ndarë në dy lote.
Në garë morën pjesë dy kompani, por është skualifikuar “GEA” dhe fitues është shpallur “DAJTI PARK 2007” që është në pronësi të Lulzim Qefalisë, vëllait të deputetit socialist Xhemal Qefalia.
Pak javë më parë kjo kompani mori një tjetër tender të majmë, 700 milionë lekë për zgjerimin e hapësirës së varrezave publike në Tufinë.
Dhe tashmë kaloi nga dherat dhe varrezat te frutat e perimet për të dënuarit.
