Presidenti i Serbisë, Aleksandar Vuçiç në një konferencë për media të dielën ka folur rreth takimit të zhvilluar ditën e djeshme në Ohër me kryeministrin e Kosovës, Albin Kurti.
Duke dhënë detaje për takimet që zgjatën gjatë gjithë ditës, Vuçiç e nxori veten si hero të takimit. Sipas tij, ai ishte më i qëndrueshmi brenda ekipit të tij.
“12 herë dje e ndryshuam tekstin. Dua t’i falënderoj njerzit që ishin dje me mua sepse gjithmonë është stresuese, sepse sa herë duhet të analizoni, të konsultoni profesorë duke i pyetur a mundemi këtë, a guxojmë këtë, e presioni sa vjen e shtohet. Për mua është përparësi kur kjo zgjat 12-13 orë sepse jam më i qëndrueshëm se të tjerët, keq e kam kur është 2-3 orë, kur është 12-13 koncentrimi im është i shkëlqyer, më i mirë se i të tjerëve. Kështu ishte edhe mbrëmë në orët e vona,” tha Vuçiç.
