Agjencia e Prokurimit Publik ka publikuar lidhjen e kontratës së tenderit prej gati 100 milionë lekë me TVSH që bashkia e Fierit që drejtohet nga Armando Subashi i ka dhënë një kompanie me dyshime të forta për shkelje.
Në garë për tenderin 84 milionë lekë për blerje pajisje sportive për zhvillimin e ndeshjeve sportive në Pallatin e Sportit të lojërave me dorë ishin katër kompani, por në fund, u skualifikuan tre, mes tyre njëra dha oferën më të ulët dhe fituese u shpall “ARTEO 2018” SHPK.
Tenderi është kapur me shkelje nga faqja që kontrollon dhënien e tenderave. Subashi nuk ka firmosur vetë por me dorën e n/kryetarit Andius Olldashi.
Subashi mes akuzave nga opozita për inceneratorët dhe socialistët për tenderat është në kërkim të një tjetër mandati, por për vulën nëse do të jetë apo jo në garë do ta vendosë Edi Rama ditën e shtunë, deri atëherë tenderat vazhdojnë.
