Një 45-vjeçare ka humbur jetën në Durrës, pasi ka rënë në kontakt me rrymën elektrike.
Sipas njoftimit të policisë e ndjera me iniciale O. Gj është dërguar pa shenja jete në spital.
Njoftimi i policisë:
Rreth orës 08:20, në Urgjencën e Spitalit Rajonal Durrës, është dërguar pa shenja jete, shtetasja O. Gj., 45 vjeçe, banuese në Maminas, Durrës.
Nga veprimet paraprake hetimore dyshohet se kjo shtetase ka humbur jetën pasi ka rënë në kontakt me rrymën elektrike, në banesën e saj.
Grupi hetimor po punon për sqarimin e rrethanave të ngjarjes.
