Deputeti i PD-së, Bujar Leskaj në seancën e sotme në Kuvend zhvilloi një interpelancë me ministren e Shëndetësisë dhe Mbrojtjes Sociale, Ogerta Manastirliu duke i kërkuar që të kërkojë nga qeveria miratimin e minimumit jetik. Ai shpjegoi arsyet se përse vendosja e minimumit jetik për qytetarët është i rëndësishëm.
“Pse nuk e vendosni minimumin jetik? Keni tre mandate në pushtet, pse nuk e vendosi? 74% e popullsisë në Shqipëri rrezikon varfërinë. Në Shqipëri 1 në 2 persona kërcënohen nga varfëria.
Ky indikator korrespondon me numrin e personave në rrezik varfërie. 51% e fëmijëve jetojnë në rrezik varfërie dhe përjashtimi social. Këto dhe shumë të dhëna të tjera flasin vetë.
Duke u përcaktuar minimumi jetik do të jetë në themel si referencë pensionin, ndihmën ekonomike dhe pagesën e papunësisë” tha ai.