Presidenti francez Emmanuel Macron, i cili duhet të merret me qytetarët e zemëruar që protestojnë për rritjen e moshës së pensionit, ka bërë një gabim.
Gabimi mund të kishte kaluar pa u vënë re – ose të paktën do të kishte mbaruar – nëse vetë Macron nuk do të ishte përpjekur ta korrigjonte menjëherë dhe madje edhe në televizion.
Sipas një videoje që qarkullon në internet, presidenti francez u shfaq në një intervistë televizive duke tundur duart dhe duke bërë gjeste, duke mbajtur një orë luksoze në kyçin e dorës së majtë. Pak më vonë ora u zhduk, ndërsa ai vazhdoi të fliste me të njëjtin ton.
Ndryshimi i imazhit “goditi” syrin e disa teleshikuesve dhe madje në një kohë kur pasuria e presidentit francez është vënë në shënjestër të qytetarëve, pas vendimit të tij për të vendosur në mënyrë të njëanshme rritjen e kufirit të moshës, duke përdorur një dispozitë të veçantë kushtetuese.
Ai hoqi orën 11 minuta pas intervistës
Macron mbante një orë të kompanisë franceze Bell&Ross me një numërues blu dhe një rrip të zi. Kjo orë e veçantë kushton 2,120 paund (rreth 2,500 euro), megjithëse pretendimet e përdoruesve në Twitter e rrisin koston e këtij modeli të veçantë deri në 80,000 euro!
Ora u hoq 11 minuta pas intervistës, kur Macron vuri dorën e majtë nën tavolinë ndërsa vazhdonte t’u përgjigjej pyetjeve. Kur e ktheu dorën në tavolinë, ora ishte zhdukur.
