Ish-kryetari i Partisë Demokratike, Lulzim Basha ka reaguar për herë të parë në lidhje me zgjedhjet vendore të 14 majit.
Basha tha se fajtori i vetëm për përçarjen e PD-së është Sali Berisha. Ai u shpreh se do të dalë të bëjë fushatë për kandidatët që po nxjerr Alibeaj.
“Përgjegjës është ai që ka përçarë PD. Nuk kam më asnjë koment tjetër për sot. Patjetër që do të jem pjesë e fushatës në të gjithë Shqipërinë”, ka thënë ai.
Prononcimi i Lulzim Bashës
Zoti Basha, a ndiheni përgjegjës për humbjen e mundshme të PD-së?
Përgjegjës është ai që ka përçarë PD-në.
Keni komunikuar me Alibeajn?
S’kam asnjë koment tjetër për sot.
Është bërë publike dhe raporti i auditit përsa i përket 500 mijë Dollarëve që akuzohet se PD ka marrë para. Z.Berisha tha që këto para nuk kanë hyrë dhe as nuk kanë dalë nga PD. Nga i keni marrë këto para?
Pyesni listën e të ftuarve në festat e tij familjare.
Zoti Basha do bëni fushatë? A do jeni aktiv në këto zgjedhje?
Sigurisht që po.
Në cilën zonë?
Në të gjithë Shqipërinë.
