Gjyqtari Dhimitër Lara do të vendosë drejtësinë mbi kërkesën e deputetit socialist Arben Ahmetaj që ka bërë në Gjykatën e Posaçme duke kundërshtuar kontrollet që janë bërë në shtëpinë e partneres.
Gjyqtari Lara është zgjedhur nga shorti dhe do ta shqyrtoje i vetëm apelimin ndaj vendimit që lejoi kontrollin e banesës së bashkëjetueses së Ahmetajt në Hamallaj.
Në Apel Ahmetaj kërkon konstatimin e vendimit të shkallës së parë si anti-kushtetues, pasi sipas tij, për lejimin e kontrollit të banesës së bashkëjetueses së tij duhej marrë miratim nga Kuvendi.
Pak ditë më parë SPAK sekuestroi edhe dy vila, një të ish-gruas dhe një të partneres së Ahmetajt.
Prokuroria e Posaçme po e heton Ahmetajn për veprat penale që i përkasin dy procedimeve penale, inceneratorin dhe pasurinë, të cilat janë bashkuar në një të vetëm.
