Kryetari i Partisë së Lirisë, Ilir Meta premtoi sot se nëse do të marrin besimin e qytetarëve në zgjedhje do të japin ilaçet falas për pensionistët.
“Unë para pak ditësh në emër të PL mora angazhimin se me ardhjen në pushtet, të gjithë pensionistët nuk do të paguajnë asnjë lek për ilaçet që marrin me recetë. Ky është një detyrim i shtetit. Këtu është çështja e vullnetit politik dhe interesit.
Theksojmë gjithashtu përmirësimin e aksesit për marrjen e shërbimit sa më parë banesës. Do të afrojmë këtë shërbim duke mbuluar territorin me qendra shëndetësore dhe ambulanca sa më pranë banesës” tha ai.
Gjithashtu, Meta bëri një premtim edhe për mjekët. “Rritje 50% të pagës së mjekëve, specialistëve dhe infermierëve dhe sa më parë ta dyfishojmë nivelin e pagave, ndryshe do të na ikin edhe ata mjekë të mirë që kanë mbetur dhe të rinjtë” tha ai.