Pasditen e sotme është regjistruar një aksident në aksin rrugor Pogradec-Qafë Thanë në afërsi të Pojskës, Pogradec.
Në aksident janë përfshirë 3 makina ku mësohet se një prej mjeteve ka qene një furgon mallrash që transportonte fruta dhe perime.
Nga përplasja e makinave mësohet se ka 6 të lënduar të cilët janë dërguar në spital për të marrë ndihmën mjekësore.
Njoftimi i policisë
Më datë 01.04.2023, rreth orës 14:30, në aksin rrugor Pogradec-Qafë Thanë, në afërsi të fshatit Pojskë, janë përplasur 3 automjete, konkretisht automjeti furgon tip “Benz”, me automjetin tip “Opel” me drejtues shtetasin A. Y. dhe automjetin tip “Toyota” me drejtues shtetasin M. P.
Si pasojë e përplasjes, aktualisht janë dërguar në spital për ndihmë mjekësore 6 shtetas, ku 2 prej tyre ndodhen në gjendje të rëndë shëndetësore.
Grupi hetimor në vendngjarje po kryhen veprimet procedurale dhe po punon për përcaktimin e shkaqeve të aksidentit.
