Ish-presidentit të Kosovës, Hashim Thaçi i është hakëruar llogaria e tij në Facebook.
Lajmin e ka konfirmuar ish-këshilltari i tij, Adil Behramaj. Thaçi ishte ndër politikanët aktiv në faqen e tij në Facebook kur ishte pjesë e skenës politike vendore.
“Po, faqja zyrtare e presidentit Thaçi, e cila ka qene pasive qe nga dita e dorëheqjes se tij, me 5 nëntor 2020, është hakuar. Asaj i është ndryshuar emri, fotoja dhe karakteri. Rastin tashme e kemi adresuar zyrtarisht ne Policinë e Kosovës,” ka konfirmuar Behramaj.
Sot nën logon “Liria ka emër” po zhvillohet një marshim në Prishtinë ku kërkohet drejtësi për Thaçin dhe ish-liderët tjerë të UÇK-së që po mbahen në Hagë nën akuzat për krime të luftës dhe krime kundër njerëzimit.
