Policia e Pogradecit është alarmua orët e para të mëngjesit të ditës së sotme pasi ata kanë vënë re një person i cili vendosi një send të dyshimtë poshtë një makine.
Ngjarja ka ndodhur në lagjen 2 pranë prokurorisë së qytetit. Ka qenë roja i prokurorisë, ai i cili ka lajmëruar menjëherë policinë pasi ka parë një person duke u shtrirë përtokë dhe duke vendosur diçka poshtë makinës.
Fillimisht është dyshuar për vendosje eksplozivi, ndërsa është dashur ndërhyrja e grupit të shpërthimeve të kontrolluara nga Tirana për të kryer ekzaminimet e duhura.
Pas kontrolleve rezultoi se elementi i dyshuar poshtë automjetit nuk ishte lëndë eksplozive, por një aparat GPS.
Mësohet se makina është në pronësi të Eris Çekani, i cili kohët e fundit ka pasur konflikte me persona të tjerë në Pogradec.
