Gjykata e Posaçme i cakton masën “arrest me burg” ish-oficerit të antidrogës, Sokol Canameti. Masa i është komunikuar në ambientet e spitalit pasi ish-oficeri i policisë ka shfaqur probleme shëndetësore.
Ai akuzohet nga SPAK se ka kërkuar ryshfet 2000 euro, në këmbim të lehtësimit të pozitave ligjore të një të arrestuari për prodhim dhe shitje narkotikësh në tetor të 2022.
Nga përgjimet dhe ndjekja në terren duke e dokumentuar me prova marrjen e lekëve, rezulton se efektivi i policisë e ka kërcënuar të riun që t’i çonte sa më shpejt shumën ose ndryshe do ta ndiqte dhe do ta gjente ku të ishte.
“Më sill 2 mijë € ose gjej vend dhe futu”! Si u kap polici që “hapi” derën e burgut?
Përballë kësaj situate, E.K bashkë me të atin F.K. kanë gjetur shumën dhe në momentin që ia kanë dhënë e kanë filmuar. Më pas kanë vendosur të bashkëpunojnë me Agjencinë e Mbikëqyrjes Policore, e cila bashkë me SPAK-un e arrestuan policin.
