Gazetari dhe analisti, Valon Syla këtë të martë është sulmuar nga disa persona në lagjen Bregu i Diellit në Prishtinë. Ai ka marrë lëndime në kokë, ndërkaq menjëherë është dërguar për trajtim mjekësor në QKUK.
Bëhet e ditur se Syla e ka lajmëruar rastin edhe në polici. Lidhur me rastin Telegrafi ka kontaktuar policinë, por nuk ka marrë përgjigje.
Aktualisht, gjendja shëndetësore e Sylës është e mirë, ndërsa nuk dihen arsyet që kanë çuar deri tek ky sulm fizik. Duhet theksuar se gazetari Syla ishte sulmuar edhe më parë.
Në dhjetor të 2020, një bashkardhetar që jeton dhe vepron në perëndim, e kishte ndalur në rrugë duke e goditur në fytyrë, por pa lëndime. Ky sulm fizik ndaj gazetarit Syla ishte ndërlidhur me shkrimet e tij lidhur me diasporën.
