Brenda pak orëve në vend janë regjistruar tre lëkundje sizmike, fatmirësisht me magnitudë jo të madhe. Në Elbasan, Korçë dhe në Ersekë.
Mbrëmjen e djeshme u regjistrua një lëkundje me epiqendër në qarkun e Elbasanit.
Fillimisht nga IGJEUM u raportua në fshatin Polis 3.5 ballë, por më pas u saktësua se ishte në qendër Elbasan.
Lëkundja u ndje edhe në Librazhd dhe fshatrat përreth. Mëngjesin e sotëm dy lëkundje u regjistruan në qarkun e Korçës.
Në orën 05:23:47 në fshatin Miras 2.7 ballë dhe në orën 06:23:03 2.2 ballë në Ersekë.
Nga lëkundjet nuk raportohet për dëme. Fatmirësisht ishin të lehta, por u ndjenë nga banorët e zonës.
