KQZ ka vendosur në mbledhjen e sotme që të miratojë kohën televizive të partive që garojnë në zgjedhjet e 25 Prillit. Kryetari Ilirjan Celibashi pasi dëgjoi palët në fund vendosi që Partia Socialiste e Edi Ramës dhe Partia Demokratike e drejtuar nga Enkelejd Alibeaj të kenë nga 50 minuta në dispozicion për fushatën në televizion për të prezantuar programin. Partitë e tjera do të kenë nga 25 minuta.
“Koha është televizionin publik, jo reklamat. Ligji parashikon që vetëm TV publik vendos kohën, te privati jeni të detyruar të paguani për reklamat dhe nuk keni të drejtë për kohë në dispozicion tek televizionet private” sqaroi Celibashi. Sali Berisha do të përfitojë nga koha që i jepet në dispozicion Partisë së Lirisë dhe partive të tjera që janë në koalicion.
