Covid nuk është ende një kapitull i mbyllur në 22 vende të botës, madje në Indi i janë rikthyer detyrimit për të mbajtur maskë.
Rritja e numrit të infeksioneve vjen si pasojë e variantit të ri të Omicron, i quajtur “Arcturus”. Organizata Botërore e Shëndetësisë po monitoron përhapjen e tij.
Ajo që mësojmë nga shkencëtarët është se emri i tij zyrtar është XBB.1.16 dhe se është shumë infektues dhe potencialisht më patogjen se variantet e tjera në qarkullim.
Shumica e mostrave XBB.1.16 vijnë nga India, ku virusi është bërë dominues. Rastet javore të Covid-19 në vend janë më shumë se dyfishuar javën e kaluar.
Duke u përballur me të dhënat më të këqija në shtatë muaj, autoritetet po përgatiten për mundësinë e një kulmi së shpejti.
Më 11 prill, u mbajtën ushtrime në spitalet publike dhe private në të gjithë Indinë për të verifikuar shkallën e gatishmërisë së objekteve shëndetësore për një rritje të papritur të virusit.
Është kontrolluar disponueshmëria e shtretërve, oksigjenit, njësive të kujdesit intensiv, pajisjeve dhe të gjitha materialeve të nevojshme për të luftuar përhapjen e Covid.
Nënvarianti Omicron XBB.1.16 njihet si jo-vdekjeprurës dhe jo shumë serioz, por rritja e shpejtë e numrit të pozitiveve të reja është shqetësuese.
Autoritetet indiane kanë ftuar territore të ndryshme për të rritur vëmendjen dhe numrin e testeve dhe vaksinimeve molekulare.
Disa shtete kanë rivendosur detyrimin për të veshur maska në vende publike dhe për të ndjekur protokollet e sigurisë.
