Në datë 18 Prill, PD zyrtare do të hapë fushatën për Tiranën.
Kandidati Roland Bejko prezantoi njerëzit që i kanë shkruar programin dhe u bëri thirrje qytetarëve që t’i besojnë në 14 Maj drejtimin e Tiranës.
Slogani i tij për zgjedhjet do të jetë “Frymëmarrje për Tiranën”. Programin me 15 pika tha se e kishte botuar në një libër.
“PD do të korrë një rezultat të favorshëm për të qenë fitues. Fokusi ynë do të jetë te qytetarët që janë refuzues të klasës politike, oligarkia politike, trekëndëshi i Bermudës, Rama-Berisha-Meta.
Ta çlirojmë Tiranën, që ditën bëjnë sikur zihen dhe natën ndajnë llokmat me të njëjtët oligarkë.
Në datë 18, ditën e martë ju ftoj të jeni në pallatin e sportit ku do të bëhet çelja e fushatës për Tiranën. Aleati jonë është e vërteta” tha ai.
