Një aksident pasditen e sotme në Laprakë në Tiranë ka përfunduar me grushte dhe shkelma mes drejtuesve. Ngjarja ka ndodhur rreth orës 16:10. Nga përplasja fizike një person ka përfunduar në spital, pasi e rrahën babë e bir.
“Në afërsi të shkollës “Aleks Buda” janë përplasur dy automjete (dëme materiale) dhe si pasojë janë konfliktuar dhe kanë goditur njëri-tjetrin me grushte, drejtuesit e automjeteve, shtetasi A. R., 32 vjeç, me shtetasit Xh. B., dhe A. B. (babë e bir).
Si pasojë e konfliktit shtetasi A. R., është dëmtuar dhe ndodhet në spital, për ndihmë mjekësore” njofton policia. Grupi hetimor po punon për sqarimin e rrethanave të ngjarjes.
