Qeveria miratoi sot rritjen e pagave. Qartë dhe haptazi nisma bëhet në fushatë dhe qëllimet janë të pastra elektorale.
Ministrja e Shëndetësisë, Ogerta Manastirliu sqaroi se kush do të përfitojë nga rritja në sistemin e shëndetësisë.
“Me vendimin e qeverisë dhe përmes reformës ne do të kemi rritjen historike për specialistët që do të jetë një rritje me 50 mijë lekë (të reja) në muaj për çdo specialist në spitale dhe poliklinikat e vendit.
Do të kemi një rritje me 7% për mjekët e përgjithshëm dhe infermierët dhe teknikët në shërbimin parësor spitalor.
Do të kemi edhe një rritje për ata punonjës në administratat e strukturave të kujdesit shëndetësor që do të jetë nga 25-50% duke krijuar një hierarki të pagave.
22 mijë profesionistë të shëndetësisë përfitojnë nga rritja e pagave” tha ajo.
